Ek Kamare me maine jese 14 sadiya gujar di..

Home Quarantine Ke Din.....

Ek Kamare me maine jese 14 sadiya gujar di....

Ek ek pal gin gin cut gaye ye 14 din,
Kuch padha kuch likha aur kuch samjha hai,
Ache ache pakwan khaye aur jee bhar ke soya hai,
In 14 dino me na jane kitni baar hasa aur roya hai,
Har khushi ke pal maine ek khidki se nihar li,
Ek Kamare me maine jese 14 sadiya gujar di........

Na jane kitne web series aur movie maine yu hi katam kar dali hai,
Webinar dekh dekh kitni shame nikali hai,
Engineering ka ho k maine market sales ke bhi online Training dekh dale hai,
YouTube ke 40 business to maine man hi man kar dale hai,
Online hi maine sari duniya nap di,
Ek Kamare me maine jese 14 sadiya gujar di......

Dosto ko ristedaro ko bhi phone kar kar ke bahut sataya hai,
Esi chhote chhote lamho me maine ye 14 din bitaya hai,
Kisi se pyar se baat ki kisi ka sir bhi bahut khaya hai,
In sabne mera nakhra bhi khub uthaya hai,
Ristedaro aur dosto se itne salo ki baat na karne ki kasar Nikal di ,
Ek Kamare me maine jese 14 sadiya gujar di

Ghar pe rah kar ghar walo se hi dur raha,
Wo ground floor me aur main 1st floor me masruf raha,
Apno ki khatir apno se hi social distancing kiya,
Aur mere Ghar walo ne bhi mera support bharpoor kiya,
Khana nasta pani sab sidhi Chadh chadh unhone upar pahucha di,
Ek ghar ke alag alag floor me maine aur mere apno ne jese 14 sadiya gujar di.....

Kal ho jayega khatam ye home quarantine mera,
Kal hoga welcome mere hi ghar me fir se ek baar mera,
Khatam hogi ye duri mere aur mere Pariwar ki ab mujhe kisne roka hai,
Aur mitega wo khauf jo maine apne padosiyo Ki aakho me mujhe lekar dekha hai,
Jo Sikha maine in dino is chardiwari me use apne jiwan me utar di,
To mano ek Kamare me maine kam ke 14 sadiya gujar di.....


ANSH