Road Trip

Na jane jana kaha in rasto ko 

Na jane kon si manzil hai pane ko

Aade tirche road pe gadi ki tanki full kara ke

Bus chale 4 dost duniya napne ko

Raat ko mahfil saji bato bato me baat uthi

Mobile pe map khula FROM pe your location aur TO pe random ek point select hua

Kilometres ki parwah nahi but driving seat ka rotation set hua

Char kapde bag me dale Bus chale 4 dost duniya napne ko

Sab ne apna apna Jeb tatola kuch kam kuch jada note nikale

Counting kar k bole thoda apne apne Jeb se paisa aur nikale 

Har trip me ek aisa hota hai jo rakhta hisab anokha hai 

Use hi accountant bana ke Bus chale 4 dost duniya napne ko

Thodi ladai hui driving seat ke liye  aur thodi aage seat me baithne ki

Fir nikle raat ke andhere me rasto ko manzil banake

Petrol tank me tanki full kara li 

Khane pine ka sara saman dal liya

Gadi ka meter 100 se upar utha k Bus chale 4 dost duniya napne ko

Char lakdi todi kahi se aur jode ite aur patthar kahi se

Bana ke chulha lage fukne jungle me aag jalane ko

Kata pita sab pyaj tamator dala tel khadai me

Dawat -E -murg aisa bana jo na bana paya  kisi Halwai ne

Khana kha ke  aag bujha ke gadi ka gear laga ke bus chal diye fir se 4 dost duniya napne ko

Jaisa har trip me hota hai ye har zindagi ke mod pe hota hai

Tire puncher hona to jaise har safar Ke naseeb me hota hai

Jack aur pana panchish nikal ke lage charo gadi ka pahiya badalne 

Paseena baha ke yaha ke nut waha laga ke Bus chale 4 dost duniya napne ko

4 dino ka trip jaise 4 minton me kat di

Samandar kinare baith jaise duniya hi nap di

Ladaiya to aise hui jaise chehra na dekhenge dubara ek dusre ka

Agle hi pal dosti aisi gehri ki jaan de denge ek dusre ke kahne par

Pahad jungle samundar sab tha is trip par 

Par na jane kyon yaad bus dosto ka sath rah gaya trip khatam hone par

Din bite mahine bite fir saji mahphil purani 

Fir nikala mobile aur Bus chale 4 dost fir se duniya napne ko

ANSH