Wo 2 4 Dost
Jise khof na hota hai duniya dari ka
Wo to apne yaro ke yaar hote hai
Kyon ki Kahne ko to dost 1000 hote hai
Par sache wale bus 2 4 hote hai
Bahar ki ladai ho ya ghar ka masla ho
Gf ka lafda ho ya samne wala tagda ho
Sab ka ilaj chai ki chuskiyo me rakhte hai
Kyon ki Kahne ko to dost 1000 hote hai
Par sache wale bus 2 4 hote hai
Wese to samne kabhi tarif nai karte
Par kisi aur ke muh se ulta ek sabd nai sunte
Kahte hai Wo dost nai bhai hai apna
Sath dekhte hai har chhota bada sapna
School ka last wala bench ho
ya clg ke canteen ka Aakhari samosha
Kuch bhi yaado ke samandar me tatol lo
Gin ke 2 4 chahre hi najar aate hai
Kyon ki Kahne ko to dost 1000 hote hai
Par sache wale bus 2 4 hote hai
Papa ke samne bus ek wahi sarif hote hai
Baki sab to nikamme aur jalil hote hai
Night out ke liye manwana ho ya picnic ke liye jana ho
Main hu na uncle mere sath jayega kah ke papa ko manate hai
Sab hone ke baad sath ghar chhodne aate hai
Pata nai humse jada wo kyon papa ko bhate hai
Kyon ki Kahne ko to dost 1000 hote hai
Par sache wale bus 2 4 hote hai
Safed agarbatti ki kash ho ya lal pani ka ghut
Wakt ke utar chadhao ka maja sath lete bharpoor
Par jab kabhi zindagi ke safar me pair ladkhadate hai
Thamne ko harpal apna kandha pass le aate hai
Kyon ki Kahne ko to dost 1000 hote hai
Par sache wale bus 2 4 hote hai
ANSH......
Comments
Post a Comment